Apple фирмийн бүтээгдхүүн макинтош компютерийн талаар манай оронд тэр болгон сайн мэдэхгүй байх магадлалтай. Учир
нь манай оронд Майкрософтын Windows үйлдлийн системтэй нийцтэй IBM-ийн
компютерүүдийг өргөн ашигладаг учир Мак төрлийн компютерүүдийг тэр
болгон хэрэглэдэггүй гэхэд болно биз дээ. Дэлхий дээр хэрэглэж байгаа
персональ компютерүүдын дунд хэрэглээгээрээ хоёрдугаар байранд ордог
энэ маягийн компютерүүдийг АНУ болон Европын зарим орнуудад түгээмэл
хэрэглэдэг бөгөөд сүүлийн 30 жилийн хугацаанд IBM-ийн гол өрсөлдөгч
байсаар ирсэн түүхтэй юм.
Apple корпорацийг үндэслэгчид. Стивен Возняк Польш
гаральай АНУ-ын Калифорнид төрсөн тэрээр бага залуу намныхаа мөрөөдлөө
амьдралаа болгож чадсан нэгэн бөгөөд компютерийн хөгжлийн түүхийн
хуудсанд мөрөө тодоор үлдээж чадсан түүнийг болон түүний үндэслэсэн
компанийг мэдэхгүй хүн хорвоод бараг үгүй биз ээ. Калифорнигийн их
сургуулиа хаяад өөрийн дур сонирхолтой компютер угсрах ажилдаа
амьдарлаа зориулсан түүний сонголтыг тухайн үедээ зарим нэгэн хүмүүс
сайшааж аваагүй нь лавтай. Дунд сургуулийн найз Жобстойгоо жижигхэн
хувийн компютер хийж худалдаалах тухай санаагаа ярилцахад цаадах нь
"Амжилт олохгүй байсан ч ач хүүтэй болоод түүндээ хувийн компанитай
байсан тухайгаа ярих юмтай үлдэцгээе" гэж хариулснаар тэдний санаа
нэгдэж өөрсдийн бүхий л үнэтэй цайтай зүйлсээ буюу Возняк HP тооны
машинаа харин Жобс фургон машинаа зараад 1300 доллор цуглуулж
үйлдвэрлэлэлээ эхэлсэн түүхтэй. Хамгийн анхны компютераа угсарч босгоод
666 доллараар худалдаж эхэлсэн бөгөөд дэлгэц, гар, RAM нэмээд л жинхэнэ
персональ компютер болхоор тэрхүү машиныг 100 ширхэгийг орон нутагтаа
борлуулсан нь тэр хоёрт урам зориг, үйлдвэрлэлээ өрөгтгөх боломж өгчээ.
Өөрсдийн анхны бүтээлээ сайжруулан дэлгэц, гар нэмж холбоод графиктай
ажиллах нэмэлт оруулсан нь Apple ll компютерийг тухайн үеийн хамгийн
гайхамшигтай машин болгосон бөгөөд энэ компютераас олсон орлого нь анд
хоёрыг "Саятан" гэж нэрлүүлэхээр их болж, уян диск унших төхөөрөмж
болон DOS үйлдлийн системийг (RANDY WIGGINTON-той хамтарч бичсэн)
компютертаа зориулан зохиосон нь амжилтыг нь улам бататгажээ. Хувь
тавилангийн эргэлтээр ч юм уу 1921 оны 2-р сард нисэх онгоцны осолд
ороод амьд үлдсэн боловч ой санамжаа алдсан тэрбээр урьдын амьдарлынхаа
дүр зургийг сэргээх гэж багагүй хүчин чармайлт гаргажээ. Бүдгэрсэн ой
санамжийг нь сэргээхэд Apple ll болон түүний тоглоомууд хамгийн их
үүрэг гүйцэтгэжээ. 1987 оноос хойш өөрийн үүсгэн байгуулсан корпорациас
холбоогоо тасалсан боловч түүний нэр энэ корпарацийн нэртэй үүрдийн
холбоотой чигээрээ үлдсэн нь үнэн билээ. Үргэлжлэл бий......
|